Voss Resort for barnehagar og skular
Meistring, utforsking og læring i naturen
Ta med barnehagen, skulen eller SFO på opplevingar i fjellet året rundt. Med gondolen kjem de enkelt opp til Hangurstoppen, der flotte aktivitetar og naturopplevingar ventar både sommar og vinter.
Aktivitetar sommar og vinter
Om sommaren byr området rundt Hangurstoppen på flotte turmoglegheiter for både små og store. Her finn de merka stiar i variert fjellterreng med utsikt over Vossabygda, og gode moglegheiter for naturfaglege aktivitetar, friluftsliv og uteundervisning. Turane kan tilpassast både alder og ferdigheitsnivå.
Om vinteren vert fjellet eit vinterparadis med snø, leik og aktivitetar som eignar seg godt for skuleklassar og grupper. For dei som ønskjer det, kan skidagen kombinerast med leige av utstyr og instruksjon, slik at fleire får moglegheit til å oppleve meistring og skiglede.
Gratis årskort for alle 4. klassingar i Vestland
4. klassekortet er eit gratis årskort til alle fjerdeklassingar med bustadadresse i Vestland fylke. Kortet er gyldig til 15. august 2027 og må bestillast innen 15. februar 2027.
Skidag for barne-, ungdom- og vidaregåande skular i Vestland
Det er få ting som gler eit barnesinn meir enn snø å leika seg i, gjerne med ski på beina. Voss Resort ynskjer å motivera barn og unge til fysisk aktivitet. Før var det ein naturleg ting å ha ski heime og læra seg basis ferdigheiter gjennom leik og moro. I dag er det mange som ikkje har ski og dermed verken kan vidareføra arva etter Sondre Norheim eller tileigna seg ferdigheitene til Kari Traa.
Me har difor tilbod på skidag, inkludert instruksjon og leige av utstyr. Ta kontakt med post@vossresort.no for prisar og meir informasjon.
Bestilling
Ta kontakt med oss på e-post for å få tilsendt gjeldande prisar. Tilbodet gjeld berre ved førehandstinging per e-post, seinast dagen før ankomst. Bestilling må gjerast av personale i barnehage, skule eller SFO.
Opplysningar ved bestilling
Ver venleg å sende oss følgjande informasjon:
- Ankomstid
- Antall personer (små og store)
- Namn og telefonnummer til ein kontaktperson i gruppa
- Betalingsmåte (kort, kontakt eller faktura). Dersom de ynskjer å betale per faktura, send oss fakturaadressa, organisasjonsnummer og referanenummer (ansattnummer eller liknande).
Send bestillinga til post@vossresort.no.
Me lager klart billettane til de kjem, slik at kontaktlærar eller tilsette kan henta billettane samla i billettluka i gondolbygget ved Voss stasjon.
Me gler oss til besøk! Velkomne til oss!