Nyheiter for vintersesongen 2026/2027
Til vinteren 26/27 tek Voss Resort nye steg i utviklinga av skiområdet gjennom spennande nyheiter og forbetringar i samarbeid med ShapeCrew. Målet er å skapa endå fleire opplevingar for både familiar, born, ungdom og gjester som ønskjer å utvikla ferdigheitene sine på ski og snowboard.
Tråstølsløypa får eit løft
Me har gjort fleire utbetringar i Tråstølsløypa dei siste åra, og før sesongen 2026/27 har me teke eit nytt steg vidare. På toppen av løypa er terrenget sprengt og planert for å skape ei jamnare trasé, samtidig som delar av snøanlegget er oppgradert for meir effektiv og påliteleg snøproduksjon.
Resultatet er ei løype med betre flyt og meir jamt terreng, samstundes som behovet for snø er redusert. Dette gir oss større moglegheit til å opne Tråstølsløypa tidlegare og legg grunnlaget for ei endå betre skioppleving gjennom heile sesongen.
Betre flyt inn i Alphaparken
Alphaparken er eit populært samlingspunkt for både nybyrjarar og erfarne parkkøyrarar, med både blå og raud linje som gir utfordringar på ulike nivå. No blir det jobba med å gjere tilkomsten til parken endå betre gjennom utbetringar i Alphacrossen (blå løype), som fungerer som inngangen til området.
Målet er å skape ein meir naturleg og innbydande overgang inn i parken, slik at terskelen blir lågare for dei som vil prøve parkkøyring for første gong.
Samstundes blir det enklare for erfarne køyrarar å nytte heile parkområdet til å utvikle ferdigheitene sine vidare. Resultatet blir ein meir tilgjengeleg og attraktiv park for alle.
Vinterens største nyheit: Ny Funslope frå Hangurstoppen
Ei av dei største nyheitene denne vinteren er etableringa av ein heilt ny Funslope frå Hangurstoppen og ned mot Vossatassen (løype 9).
Ein Funslope kombinerer vanleg skikøyring med leikne element som doserte svingar, bølgjer, hopp og andre kreative innslag som gjer turen ned fjellet til ei oppleving i seg sjølv. Konseptet er utvikla for å skapa skiglede, meistring og aktivitet for både born, ungdom og vaksne.
Den nye Funslopen vil gå parallelt med Familieløypa ned mot Vossatassen. På sikt er planen også å kopla saman Funslopen og Vossatassen-området til eit endå større leik- og aktivitetsområde.
Meir leik og meistring i Badnakrokjen
Badnakrokjen har i mange år vore ein favoritt blant dei yngste gjestene våre, og til vinteren tek me området vidare med fleire nye element og linjer. Utvidinga vil omfatte både ei lysegrøn og ei mørkegrøn linje, slik at born og nybyrjarar kan finne utfordringar som passar sitt nivå.
Målet er å skapa eit endå meir spennande område for leik, læring og meistring. Her skal dei yngste få utforske park-element i trygge omgjevnader, byggje sjølvtillit og utvikle ferdigheitene sine i sitt eige tempo.
Barneskirennet flyttar til Trollbakken
Kvar helg og i feriar arrangeres gratis barneskirenn i Voss Resort. Dette har tidligare vore gjennomført i Badnakrokjen. For å gjera arrangementet meir tilgjengeleg flyttar me no barneskirennet til Trollbakken.
Den nye plasseringa vil gje betre rammer for arrangementet og gjera det mogleg for endå fleire born å delta.
Klar for ein vinter i Voss Resort?
Sjå opningstider, løypekart, prisar, skiutleige og alt du treng for å planleggje skidagen i Voss Resort.
