Mat og drikke i Voss Resort
Voss Resort har fire restaurantar og kafear med sesongbaserte menyar og ulike matkonsept. Her kan du nyta god lokal mat med utsikt mot fjella og enkel tilgang til både skiløyper og turstiar.
Hangurstoppen Restaurant – open heile året
Hangurstoppen Restaurant ligg på 818 meter over havet, rett ved toppstasjonen til gondolen. Her kan du nyte mat og drikke og nyte panoramautsikt mot fjella. Menyen vår er smakfull og full av favorittar: ferske salatar, steinbakt bruschetta, kremete pasta, kraftige gryter, saftige burgarar, fisk- og kjøtrettar, og steinomnsbakte pizza. Under afterski kan du nyta vår populære barmeny og drikke, medan du under kveldskøyring får tilgang til heile menyen for ei komplett matoppleving.
Restauranten er eit perfekt startpunkt for skientusiastar og turgåarar heile året, med kort veg til skibakkar, langrennsløyper, panoramastien, skiband og skiutleige.
Storastovo på Slettafjellet
Storastovo ligg på Slettafjellet, midt i hjarta av Voss Resort. Storastovo er ein perfekt stad for å ta ein pause, nyte ein varm drikke eller få deg noko godt å ete. Her kan du kose deg med ein saftig burger, ein rykande varm pølse eller ein smakfull gresk gyros – og kombinere det med favorittdrikken din, frå brus til noko sterkare.
På fine dagar blir utegrillen fyrt opp og skapar ekstra energi og hygge på terrassen. Under kveldskøyring held Storastova ope, slik at du kan få deg ein matbit eller noko å drikke medan bakkane lysast opp for kvelden.
Gamle Hangursrestauranten
Med ei utsikt som tek pusten frå deg er Gamle Hangursrestauranten den perfekte staden for å ta ein pause, slappe av og nyte omgjevnadene. Enten du kjem for ein kopp kaffi, ein lett matbit eller eit roleg måltid etter ein dag i bakken, inviterer atmosfæren deg til å senke skuldrene og nyte augneblinken.
Kos deg med smakfull gyros, ferske greske salatar og kraftig moussaka på utvalde dagar – alt servert saman med favorittdrikken din. Om du stikk innom for ein rask matbit, eit avslappa måltid eller berre for å oppleve den livlege stemninga, gjer Gamle Hangur kvart besøk til ei sosial oppleving på fjelltoppen.
Varmestova i Bavallen
Varmestova ligg i Bavallen og er lett tilgjengeleg med bil. Varmestova er perfekt for ein avslappande pause med noko varmt i koppen og ein godbit. Kiosken tilbyr ferske bollar, ferdigsmurde smørbrød, kakao, kaffi og andre forfriskingar.
Rett ved bygget finn du billettluke og skiband, noko som gjer dette til ein flott startplass for skikøyrarar i alle aldrar. Varmestova er open under kveldskøyring i vintersesongen.
Medbragt niste?
I vintersesongen kan du nyta medbrakt mat og drikke kan ein nyte i grillhyttene i Trollbakken, Badnakrokjen, grindbygget på Slettafjellet, foajeen i “gamle” Hangursrestauranten, Varmestova i Bavallen og Åsneshytta.