Voss Resort – perfekt base for opplevingar i Fjord Norge
Voss Resort er eit ideelt utgangspunkt for å utforske Voss og områda rundt. Med under ein times køyretur til både Hardangerfjorden og Sognefjorden, inkludert vakre Nærøyfjorden på UNESCO si verdsarvliste, kan du enkelt bu hjå oss og ta dagsturar til nokre av dei mest spektakulære stadene i Norge. Trolltunga, Folgefonna-breen, Flåm og Eidfjord ligg også innan kort reiseavstand.
I tillegg er Bergen, Norges nest største by, berre 1,5 time unna. Her finn du Bryggen, eit ikon for norsk kulturarv og på UNESCO si verdsarvliste. Det gamle hanseatiske bryggeområdet er arkitektonisk unikt og eitt av dei mest kjende motiva frå Norge. Det går fleire daglege tog mellom Voss og Bergen, og du kan også leige bil frå lokale bilutleigefirma om du ønskjer å køyre sjølv.
Opplev Voss
Denne sjarmerande bygda med om lag 15 000 innbyggjarar byr på eit breitt spekter av aktivitetar og attraksjonar for alle. Voss er kjend som ekstremsporthovudstaden i Norge, men du treng ikkje vere ekstremsportutøvar for å ha det kjekt.
Her kan du blant anna prøve rafting, innandørs vindtunnel, paragliding, fallskjermhopp, rafting og mykje meir. Eller kva med ein tur med gondolen vår? Vår gondol er den største og mest moderne i Nord-Europa.
