Overnatting hjå Voss Resort er for deg som vil ha kort veg til action når forholda freistar, og ro når du treng det. Anten du føretrekkjer å leige hytte eller leilegheit, får du ein solid base med god komfort, så du kan bruke kreftene på det som ventar ute.
Kvifor bu hjå Voss Resort?
- Aktivitetar rett utanfor døra – heile året
- Hytter og leilegheiter med god standard og komfort
- Direkte tilgang til gondol, turstiar og skianlegg
- Trygge område, barnevenlege alternativ og korte avstandar
- Enkel tilgang til mattilbod og service
Hytter og leilegheiter i Voss Resort
Når fjellet er næraste nabo, ligg dagane opne: meir tid ute, mindre styr på vegen dit.
Bavallstunet – for deg som vil vakne midt i leikegrinda
Bavallstunet er det mest sentrale området i Voss Resort og eit naturleg val for deg som vil ha alt innan rekkevidde.
Kort avstand til skiheis, resepsjon og afterski. Leilegheitene er plassert i 2 etasje over resepsjonen.
Alle bueiningane er praktiske og godt tilpassa eit aktivt opphald, med nærleik til fjellet og korte avstandar til det som skjer i anlegget.
Bavallslia – lunt og roleg, men like tett på
Bavallslia ligg nedanfor skiheisen Bavallsekspressen og gir deg ei litt meir tilbaketrekt ramme rundt opphaldet – utan at du flyttar deg langt unna opplevingane.
Frå Bavallslia er det kort avstand til resepsjon, billettkontor og stolheis.
Bavallslia er eit perfekt utgangspunkt for deg som vil hoppe rett ut i eventyret, anten det er morgonsvingar i nysnøen eller ein roleg ettermiddagstur i fjellet.
Tråstølen – Moderne komfort i fjellheimen
Tråstølen ligg høgare og friare, med ein uslåeleg kombinasjon av moderne komfort og rå vestlandsnatur.
Her har du fjellet rett utanfor dørstokken. Mange einheitar med ski-inn/ski-ut om vinteren og direkte tilgang til turterreng om sommaren.
Tråstølen er perfekt for dei som vil vere først i nypreppa løyper, teste grensene i terrenget eller berre kjenne fjellvinden rive litt ekstra i jakka.
Standard og fasilitetar
Alle hytter og leilegheiter i Voss Resort er tilrettelagte for sjølvhushald og held gjennomgåande god standard.
Storleik, planløysing og uttrykk varierer frå eining til eining, og detaljar kjem fram når du klikkar deg inn på dei ulike alternativa i bestillingsløysinga.
Felles for alle:
- WiFi
- godt utstyrte kjøken
- dyner og puter (sengetøy kan leigast)
- parkering ved eller nær eininga
Overnatting med hund
Har du fire bein og ei snute, er Voss eit eldorado! Her får hunden springa, lukte og herje i det råeste av norsk natur.
Me har hundevenlege overnattingsalternativ i fleire av våre bustader. Ta gjerne med hunden på gondolen også – den utsikta vil garantert både to- og firbeinte setja pris på.
Prisgunstige pakker – tøm bucketlista; ikkje lommeboka
Våre rabatterte pakker lar deg oppleve meir for mindre.
- Studentrabattar – fordi livet er for kort til å ikkje oppleve Voss, sjølv om budsjettet er stramt
- Barne- og familieprisar – fleire dagar gir fleire moglegheiter til å pushe grensene
- Grupperabattar – vennegjeng, bedrifter, lag og organisasjonar
- Vinterpakker – ferdig samansette pakketilbod med gode prisar
Enkel ankomst – rett frå toget til toppen
Voss Resort er lett å nå – også utan bil. Toget stoppar midt i Voss sentrum, og gondolen tek deg til fjells på under ti minutt. Gondolbillett er inkludert i alle heiskort.
Greitt å vite før du kjem:
- Frå Bergen tek reisa rundt 1,5 time frå du set deg på toget, til du står på Hangurstoppen
- Du har to moglege inngangar til fjellet: ta gondol frå togstasjonen eller køyre til Bavallen – ca. 5 km frå sentrum
- Om vinteren har me eige busstilbod frå togstasjonen til Bavallen
- Reiser du lett, kan du ta gondolen opp og skri frå toppen til hytta eller leilegheita.
Overnatting på hotell – bu i sentrum, leik i fjellet
Vil du bu i sentrum og ha kort veg til gondolen, Voss Resort og alt som skjer i bygda? Her finn du gode hotellalternativ som gjev deg ei smidig overgang mellom bygd, fjell og aktivitetar.
Hotell i Voss sentrum:
- Park Hotel Vossevangen
- Scandic Voss
- Fleischer’s Hotel
Spørsmål me ofte får om overnatting
Bestill ditt eventyr no – opplevingane ventar
Vil du sikre deg dei beste datoane – og dei beste forholda? Voss Resort er ein populær destinasjon, og både pakker, hytter og hotellalternativ vert raskt fulle når forholda er på sitt beste. Planlegg litt fram i tid, så veit du at både overnatting og opplevingar er i boks.