Vandring i Voss Resort

I fjella som omringer Voss Resort finn ein turstier som passer for alle.

Enten du ynskjer lange eller korte turar er Voss Resort eit perfekt utgangspunkt for vandring i fjella. Her finn ein fleire merka stiar som passer for dei fleste.


Kom deg raskt til topps

Voss Gondol tek deg frå Voss Stasjon (56 moh) til Hangurstoppen (820 moh) på under 9 minutt. Sjå meir informasjon om gondolbanen på Voss Gondol sine nettsider. Hangurstoppen er eit ypperleg startpunkt for vandring i fjellet, anten ein ynskjer korte eller lange turar.


Hanguren

Området på Hanguren er flott å gå i uansett alder og form; ein vel sjølv kor mykje ein vil gjere ut av det. Her finn ein stiar som høver små barneføter, og turar for dei som ynskjer ei ekstra utfordring for både musklar og kondisjon. Uansett kvar du går får du fin natur med på kjøpet! Ynskjer du ein lett og kort tur; prøv Hanguren Panorama. Ein flott rundtur på ca. 800 meter, like ved toppstasjonen for gondolen. Her kan du og ta med deg rullestol eller barnevogn. 

Ein kan og gå ned til den “gamle” Hangursrestauranten. Her får ein flott panoramautsikt over Voss sentrum og Vangsvatnet. Ynskjer du ein litt lengre tur, kan du gå vidare til Mølstertunet og evt. Voss sentrum herfrå. 

Frå Hanguren har ein og anledning til å gå vidare til Røde Kors hytta, Raugstad, Lønahorgi eller Bavallen.


Røde Kors hytta

Røde Kors hytta kan ein nå både frå Bavallen og frå Hanguren. 
Hytta finn ein like ved Valbergstjørni og her har ein høve til å bade på varme sommardagar.
Røde Kors hytta er eit populært turmål med flott utsikt til nokre av Vossafjella, mellom anna Lønahorgi.


Lønahorgi

Lønahorgi (1410) er eit anna populært turmål med utgangspunkt frå Voss Resort. 
Vel mellom start frå Hanguren eller Bavallen. På toppen har ein spektakulært utsikt og på fine dagar kan ein sjå heile 4 isbrear; Fresvikbreen, Hardangerjøkulen, Vossaskavlen og Folgefonna.

Denne fotturen er for dei litt meir utholdne, då det er ein krevande tur på ca. 20 km tur/retur som tek omlag 6-8 timar, alt etter kvar ein starter frå. Frå Bavallen til Lønahorgi er det omkring 1100 høgdemeter.
Ruta er sommermerka og går i høgfjellsterreng. Ta difor med utstyr som kart og kompass og vèr budd på skiftande vêr. 


 

GOD TUR!