Fottur

Turstiar for alle

Området på Hanguren er flott å gå i uansett alder og form; ein vel sjølv kor mykje ein vil gjere ut av det. Her finst det stiar som høver små barneføter, og turar for dei som ynskjer ei ekstra utfordring for både musklar og kondisjon. Uansett kvar du går får du fin natur med på kjøpet!

Tavler med nytt kart over turløypene vil kome opp i terrenget i løpet av sommaren (sjå kartet lenger ned på sida, eller last ned brosjyre). Enkle kart får du hjå turistinformasjonen, nede på Hangursbanen eller inne på restauranten.

Utan mat og drikke...

Det gamle ordtaket gjeld i høgste grad når ein skal ut på tur. På Hangursrestauranten kan du få deg eit godt måltid med forfriskande drikke til, både før og etter turen. Velg mellom kalde og varme rettar, kaker, is, mineralvatn, øl og vin.

Når sola skin er terrassen på Hangursrestauranten ein av dei beste plassane på Voss for å nyte eit godt måltid! Ekstra godt vert det etter å ha brukt kroppen i naturen fyrst.

Kart over turløypene på Hanguren

Kartet under gir ei oversikt over dei ulike turløypene i området på og rundt Hanguren. Kartet vil i løpet av sommaren kome opp på tavler rundt om i terrenget. Du kan og laste ned brosjyra "Hanguren - turområde", den inneheld kartet.

God tur!

Brosjyre over turområdet Hanguren

Adobe Reader er programmet du treng for å laste ned pdf-filer. Programmet er gratis, og kan lastast ned her.

Originalfotoet er teke av Gunnar Bergo, Voss Kommune, og kartet og brosjyren er produsert av Kulturavdelinga i Hordaland fylkeskommune.