Hovudparken (raud) flytta opp til Slettafjellet

Hovedparken er i år flytta opp til Slettafjellet. Den ligg mellom heistrasèn og nedfart (16) og består av diverse raude hoppelement (frå 8 til 12 meter kul), samt railsene som tidlegare stod i BC Parken på Horgaletten (denne er no teken ned / snødd ned).

Parken i Alphaløypo (blå) - kreativ og spennande oppgradering frå i fjor!

Den blå parken i Alphaløypo har i år mange nye element og standaren er høg både på kvalitet og vedlikehald, men og på utforming, variasjon og kreativitet. NB! Dei to nederste hoppa i venstre løype er gradert til Raud.

BigAirBag

På Slettafjellet ligg BigAirBag-en kor du kan hoppa og landa mjukt. BAB'en er open kvar dag, utom ved sterk vind og store snøfall.
 

Kva er BigAirBag?
BigAirBag er ei fallpute som gjer at du ikkje treng bekymre deg for landinga. Den vert plassert bak eit (ski)hopp slik at fallet etter dette vert dempa. No kan ein kvar snowboardar eller skihoppar trene på kunstane sine utan stor risiko, men ein skal likevel vera varsam, og ta omsyn til både seg sjølv og andre.
 

Her er nokre "køyrereglar" for bruk av BAB:
1. All hopping føregår på eige ansvar
2. Aldersgrensa er 12 år
3. Forbod mot stavar
4. Forbode for personar over 95 kg
5. Forbode med ski eller stavar som har skarpe eller øydelagde kantar
6. Pass til farten så du ikkje hoppar over BigAirBag-en
7. Ikkje hopp i sterk vind
8. Kun ein person kan hoppe om gongen
9. Ver rask av BigAirBag-en etter at du har landa
PS: Det finst berre fem BAB-ar i Noreg!
 

Kven kan bruka BigAirBag?
BigAirBag kan brukast av alle skihopparar og snowboardarar over 12 år. For dei som er yngre, kan den brukast med godkjenning frå foreldre. Viktige basisevner er å kunne stå på ski/snowboard i ei rett linje nedover, ha litt kunnskap til hopp i slalåmbakke og å ha tilgang til påliteleg ski-/snowboardutstyr.